Wakulima watakiwa kutumia tafiti

WAKULIMA mkoani Kilimanjaro, wametakiwa kutumia tafiti mbalimbali za kilimo cha kahawa, ili kuharajkisha jitihada za kufufua zao hilo.

Rai hiyo ilitolewa jana na Mkurugenzi Mkuu Mtendaji wa Taasisi ya Utafiti wa Kahawa Tanzania (TaCRI), Profesa James Teri, alipokuwa akizungumza na vikundi vya wakulima wa kahawa wa Wilaya ya Moshi Vijijini.

Profesa Teri alisema utafiti ni ghali lakini kama watu wanaamua kuwekeza ,utafiti  unalipa vizuri.

Aliwataka wakulima hao kutazama walikotoka na wanakokwenda katika shughuli zao.

Alisema TaCRI ambayo ilianzishwa mwaka 2000 kisheria, imetoa mchango mkubwa katika ufufuaji wa kahawa nchini.

 Alisema hata hivyo jitihada hizo zinakabiliwa na changamoto nyingi ikiwa ni pamoja na baadhi ya wakulima kutofuata kanuni za kilimo bora na wengine kung,oa kahawa kwa madai kuwa bei yake haitabiliki.

Kuhusu usambazaji wa miche ya kahawa, Profesa Teri alisema TaCRI inawasaidia wakulima kwa kutoa miche ya kuanzisha bustani mama na kuwezesha vikundi mbalimbali mkoani humo.

Akizungumzia usambazaji wa miche hiyo, Mratibu wa Kilimo cha kahawa wilayani humo mViolet Kisanga, alisema kuna vikundi zaidi ya 62 vilivyowezeshwa kupata miche bora.

Kisanga alisema TaCRI imewasambazia wakulima, miche 114,288 iliyowawezesha kuanzisha bustani mama kwenye mashamba 26 yaliyoko kwenye vijiji vya wilaya hiyo.

 
 Waziri wa Nchi, Ofisi ya Rais (Utawala Bora), George Mkuchika 

SERIKALI ya Uswisi imeitaka Tanzania kuwasilisha kwake majina ya watu wanaotuhumiwa kuficha mabilioni ya fedha nchini humo, kama sharti la kusaidia uchunguzi dhidi ya tuhuma hizo.Waziri wa Nchi, Ofisi ya Rais (Utawala Bora), George Mkuchika amesema suala la kuwasilisha majina ya watuhumiwa ndilo sharti pekee ambalo Uswisi wametoa na kwamba ndiyo sababu Serikali imekuwa ikitaka wanaofahamu majina ya watuhumiwa hao wayataje.

Akizungumza jijini Mwanza jana, Mkuchika alisema ili kushughulikia suala hilo ipasavyo, Uswisi imeitaka Tanzania kuwasilisha majina ya vigogo wanaodaiwa kuficha fedha kwenye benki zake.

Alisema hayo baada ya ufunguzi wa Mkutano wa Sita wa Muungano wa Taasisi za Kupambana na Rushwa za Afrika Mashariki unaofanyika jijini Mwanza kwa siku mbili kuanzia jana.

Kauli hiyo ya Mkuchika imekuja siku chache baada ya kuwapo kwa taarifa zinazodai kuwa Serikali ya Uswisi imetoa masharti kwa Tanzania kuwataja wahusika walioficha fedha nje kwa majina.

Mbali na masharti hayo, Tanzania imetakiwa kuithibitishia mamlaka ya Uswisi kuwa mabilioni hayo ya fedha yametokana na rushwa na nani aliyehonga, uhamishaji wa fedha hizo, jinsi ulivyofanyika ili Serikali ya Uswisi iweze kutoa ushirikiano kusaidia kuwatia hatiani watuhumiwa.

Hata hivyo, Waziri Mkuchika alisema Serikali ya Uswisi  kupitia benki zake, imetoa sharti moja tu kwa Tanzania katika kushughulikia suala hilo; kutaja majina ya watuhumiwa.

Ingawa Mkuchika hakutaja majina ya watu wanaopaswa kutaja majina ya vigogo hao, aliyewahi kujitokeza na kutoa tuhuma hizo ni Mbunge wa Jimbo la Kigoma Kaskazini, Zitto Kabwe.

Zitto alitoa kauli hizo katika Bunge la Tisa wakati akiwakilisha hoja binafsi na kulitaka Bunge kuchunguza na kuieleza Serikali ili iweze kuchukua hatua dhidi ya Watanzania walioficha fedha nje ya nchi.

Waziri Mkuchika alisema kuwa tayari Serikali imeishatia mkono wake katika suala hilo kwa kuitaka Ofisi ya Mwanasheria Mkuu wa Serikali kutafuta ukweli wa jambo hilo katika benki za Uswisi.

“Baada ya kumwagiza mwanasheria kufanya kazi hiyo alitekeleza na akapatiwa majibu ambayo walitoa sharti moja la kutajwa kwa majina ya vigogo hao ili waweze kuthibitisha kama watu hao walificha fedha hizo chafu katika benki zao,” alisema Mkuchika.

Alisema kuwa benki za Uswisi haziwezi kutaja  majina ya wateja wao walioweka fedha huko moja kwa moja kwa sababu ina wateja wengi raia wa Tanzania ambao wanahifadhi fedha zao huko.

Mkuchika alisema Serikali ya Tanzania imejijengea tabia ya kuwawajibisha wale wote wanaokiuka sheria za nchi na ndiyo maana katika kipindi hiki cha Awamu ya Nne sheria ya kupambana na rushwa ilijadiliwa bungeni na  baada ya kuonekana kuwa ina upungufu ikarekebishwa.

Alisema kuwa kutokana na kubadilishwa kwa sheria ya kupambana na rushwa, hivi sasa  hata mawaziri na makatibu wakuu wanawajibishwa na kuchukuliwa hatua za kisheria pindi wanapokuwa na makosa mbalimbali hivyo aliye na majina ajitokeze ili wahusika watiwe nguvuni.

Zitto anena

Hoja hiyo ya kutajwa kwa majina ya vigogo walioficha fedha Uswisi ilitokana na kauli ya Zitto hivi karibuni  bungeni  kuwalipua viongozi waandamizi wa Serikali hii wachunguzwe kutokana na makosa ya kuficha fedha nje ya nchi.

Alipotakiwa kuzungumzia kauli hiyo ya Waziri jana, Zitto alisema: “Bunge limeshaamua na kutoa maelekezo kwa Serikali kufanya uchunguzi kuhusu suala hilo, waziri asibwabwaje mitaani. Anapaswa kuwa ameanza kazi. Nimeahidi ushirikiano wangu wote.”

Aliendelea: “Nina mchunguzi aliyenisaidia kufanya uchunguzi ambao nitaukabidhi kwa Serikali. Sasa hilo siyo suala la Zitto tena, kama Waziri ana maoni ayatoe bungeni, hivi sasa ni kazi na taarifa. Waziri kusemea suala hilo nje ya bunge ni contempt of Parliament,” alisema.

Chadema kutoa mafunzo ya M4C Kagera

CHAMA cha Demokrasia na Maendeleo (Chadema) kinatarajia kuzindua mafunzo ya operesheni ya vurguvugu la mabadiliko (M4C) yatakayoanza Novemba 22 mwaka huu hadi Novemba 23 katika Wilaya ya Karagwe mkoani Kagera. 

Mafunzo hayo yatatolewa kwa wenyeviti  na makatibu wa vyama hivyo ngazi ya wilaya hadi mkoa yenye lengo la kuleta uongozi bora na kueneza sera sahihi ya chama hicho.Akizungumza na waandishi wa habari jijini Dar es Salaam jana, Mkurugenzi wa Mafunzo na Oganaizesheni, Benson Kigaila alisema mafunzo hayo yamekuwa wakifanywa kwa wanachama wao ili kupata mbinu mbalimbali ya kudai haki na uwajibikaji wa viongozi na wananchi.

“Lengo la kutoa mafunzo kwa wenyeviti na makatibu wa vyama vyetu ni pamoja na kuwajengea uwezo wa uwajibikaji, kudai haki zao ili kuleta hamasa kwa Watanzania kushiriki kikamilifu kwenye mchakato wa mabadiliko, jambo ambalo linaweza kuwapa matumaini ya maisha,”alisema Kigaila.

Aliongeza kutokana na hali hiyo wanaamini kuwa, mabadiliko hayo yataweza kuleta uhuru wa kweli na kubadili mfumo wa kiutawala, jambo ambalo litaweza kuonyesha mafanikio.

Alisema kutokana na hali hiyo, jumla ya watu 64 watashiriki kwenye mafunzo hayo yakiwamo ya darasani na vitendo ili wajumbe hao waweze kusambaza elimu hiyo kwa wananchi katika vijiji na vitongoji,jambo ambalo litaweza kurahisisha ufanyikaji wa mikutano ya hadhara.Alisema mbali na mafunzo hayo, kutakuwa na mikutano ya hadhara itakayotoa mwongozo kwa viongozi hao kuonyesha uelewa wao katika mafunzo hayo, jambo ambalo wanaamini wanaweza kufanikiwa. 

Kwa mujibu wa Kigaila, Chadema inatarajia kufanya operesheni ya M4C katika mikoa 32 na kwamba operesheni hiyo itakuwa kubwa zaidi ikilinganishwa na zilizowahi kufanyika nchini kwa sababu tayari baadhi ya wajumbe watakuwa na elimu ya kutosha kuhusu zoezi hilo.

 

 Lowassa awaunga mkono Chadema

WAZIRI Mkuu wa zamani, Edward Lowassa amesema wakati umefika kwa sasa hapa nchini elimu ya Sekondari iwe elimu bure na kumwondolea mwananchi wa kawaida mzigo wa kubeba gharama za elimu hiyo.

Lowassa akizungumza jana mjini Babati alisema, mjadala kuhusu elimu kutolewa bure hadi sekondari haukwepeki, hivyo kuwataka wadau wa elimu kuanza sasa kujadili suala hilo na kwamba Chama Cha Mapinduzi (CCM) kinapaswa kulifanya hilo kuwa moja ya ajenda zake katika Uchaguzi Mkuu wa 2015.

Alisema elimu ya sekondari ikifanywa bure, itakuwa ni fursa kwa kila mtoto wa Kitanzania kuipata. Hatua ambayo itaongeza weledi na uelewa wa mambo mengi katika jamii.

“Ninasema sasa wakati umefika elimu ya sekondari kuwa kama elimu ya msingi kwa watoto kusoma bure kuanzia kidato cha kwanza hadi kidato cha nne,” alisisitiza Lowassa ambaye ni Mbunge wa Monduli (CCM).

Kwa kauli hiyo, Lowassa ni kama ameunga mkono Sera ya Chama cha Demokrasia na Maendeleo (Chadema) ambao waliingia katika mgogoro na CCM kuhusu elimu kutolewa bure wakati wa kampeni za Uchaguzi Mkuu wa 2010.

Chadema wamekuwa wakisisitiza kwamba elimu bure inawezekana hadi ngazi ya sekondari, lakini wakati wote CCM wamekuwa wakisema kuwa suala hilo haliwezekani na kwamba kauli za aina hiyo ni kuwahadaa wananchi.

Katika Uchaguzi Mkuu wa 2010, aliyekuwa mgombea wa urais kupitia Chadema, Dk Willibrod Slaa alitumia sera ya elimu bure kuanzia chekechea hadi sekondari kama kete ya kusaka ushindi, huku akisema chama chake kingetenga asilimia 35 ya bajeti kwa ajili ya kuboresha elimu na kutoa elimu bure.

Hata hivyo, aliyekuwa mgombea wa CCM na baadaye kupata ushindi, Rais Rais Jakaya Kikwete alikuwa akiwatahadharisha wapigakura kuwa kwamba ahadi ya Chadema ni hewa na kwamba hilo lisingewezekana.

Mvutano huo uliwaingiza makada wengine ambao ni Katibu Mkuu wa CCM, Abdulrahman Kinana ambaye wakati huo alikuwa Meneja Kampeni wa CCM na Waziri wa Ushirikiano wa Afrika Mashariki, Samwel Sitta na kwa upande wa Chadema, Dk Kitila Mkumbo naye alijitokeza kutetea sera ya chama chake.

Katika mkutano wa kampeni za CCM uliofanyika Novemba 10, 2010 katika Kata ya Mchangimbore katika Jimbo la Peramiho mkoani Ruvuma, Rais Kikwete alisema “Serikali haiwezi kutoa huduma za jamii bure” na kwamba lazima wananchi wachangie.

“Nimebahatika kukaa serikalini muda mrefu hiyo sera ya bure tulijaribu na ikatushinda na wakati huo Hayati Baba wa Taifa, Mwalimu Nyerere, tulikaa naye tukaona hilo haliwezekani tukaamua tubadilishe sasa nawashangaa wenzetu wanawadanganya eti watatoa bure.”

Kwa upande wake Dk Slaa akiwa mjini Arusha katika moja ya mikutano yake alisema kwamba CCM walikuwa wakipinga sera ya elimu bure hadi sekondari kutokana na kulea ubadhirifu na kuthamini anasa kuliko maendeleo kwa wananchi.
Kauli ya Lowassa
Jana akizungumza muda mfupi kabla ya kuanza kuendesha harambee ya ujenzi wa Kanisa la Kiinjili la Kilutheli Tanzania (KKKT) Usharika wa Babati, Lowassa alisema wakati umefika kwa kila Mtanzania kuzungumzia suala hilo bila ya woga.

Rais Kikwete aongoza mamia kuaga Makweta

     Mbowe  asema Makweta alikuwa msafi

 

Rais Jakaya Kikwete, Makamu wa Rais, Dk Gharib Bilal na Waziri Mkuu, Mizengo Pinda wameongoza mamia ya wakazi wa Dar es Salaam kuuaga mwili wa mwanasiasa mkongwe, Jackson Makwetta.  Mwili wa marehemu Makwetta utasafirishwa kwa ndege leo saa 3:00 asubuhi kuelekea kijijini kwake Njombe, baada ya kuwasili wananchi watapewa fursa ya kuuaga tena.

Wakati wa kuuaga mwili huo, Mwenyekiti wa Chadema, Freeman Mbowe aliitaka serikali kuchunguza miradi na mali za viongozi kulingana na kipato walichonacho.Alisema mali alizonazo Makwetta ni ndogo ukilinganisha na muda aliyokaa madarakani.
Mbowe alisema baadhi ya viongozi walioko madarakani hivi sasa, wana mali nyingi kuliko kipato chao jambo ambalo linaonyesha wazi ni mafisadi.

“Makwetta anaonyesha wazi kuwa siyo fisadi ikilinganishwa na mali alizokuwanazo, wakati baadhi ya viongozi wa sasa wana mali nyingi kuliko vipato vyao,” alisema Mbowe.
Alisema Makwetta amefanya kazi kwa miaka 35, lakini mali alizonazo ni ndogo, hivyo viongozi wa sasa wanapaswa kuiga mfano huo.

Naye Spika wa Bunge, Anna Makinda alisema marehemu Makweta aliwahi kuwa Mwalimu wa Chuo Kikuu cha Mzumbe, pia alianzisha Mfuko wa Maendeleo Njombe ambao haujazinduliwa.
“Makwetta aliandaa mpango mkakati wa maendeleo wa Wananjombe ambao haujazinduliwa,” alisema Makinda.

Kwa upande wa Serikali mazishi hayo yataongozwa na Waziri wa Nchi, Ofisi ya Waziri Mkuu (Bunge, Uratibu na Sera), William Lukuvi, Waziri wa Nchi, Ofisi ya Rais (Uhusiano na Siasa), Stephen Wassira na CCM itawakilishwa na Makamu mwenyekiti wake, Phillipo Mangula.

Marehemu Makwetta alifariki Jumamosi iliyopita kwa maradhi ya moyo katika Hospitali ya Taifa ya Muhimbili (MNH), alipokuwa akipatiwa matibabu baada ya kuhamishwa kutoka Hospitali Kuu ya Kijeshi Lugalo. Anatarajiwa kuzikwa kesho kijijini kwake, mkoani  Njombe.

Mgeni rasmi katika picha ya pamoja na washiriki wa wiki ya Wajasiriamali nchini iliyozinduliwa rasmi jana jijini Dar es Salaam itakayodumu kwa muda wa wiki nzima nchini.

 Chief Technical Advisor Youth Entrepreneurship Facility and WED -ILO Bw. Jealous Chirove akizungumza wakati wa uzinduzi wa Wiki ya Kimataifa ya Wajasiriamali uliofanyika jijini Dar es Salaam ambapo amesema vijana lazima wawe na moyo wa kujituma na kuhakikisha wanapanua wigo wa kujiajiri wenyewe na kuondokana na fikra za kuajiriwa peke yake.Aliongeza kuwa ujasiriamali katika nchini kama Tanzania ni mkombozi wa pekee katika tatizo la ajira hasa kwa vijana kwa kujiendeleza na mafunzo mbalimbali ya ujasiriamali kama njia pekee ya kujiajiri

Mwenyekiti wa CCM Mhe.Dk. Jakaya Kikwete akipongezwa na viongozi mbalimbali kwa ushindi mkubwa alioupata katika uchanguzi wa CCM uliofanyika katika ukumbi wa Kizota mkoani Dodoma