MUGABE ACHAGULIWA KUWA MWENYEKITI MPYA WA AU

---

Rais Mugabe 

Rais wa Zimbabwe Robert Mugabe, amechaguliwa kuwa Mwenyekiti mpya wa umoja wa Afrika Au kwenye mkutano unaoendelea mjini Addis Ababa Ethiopia

Wajumbe walimteuwa Rais Mugabe mwenye umri wa miaka tisini kwa kauli moja katika mkutano huo na kumtakia mema kwenye harakati mbalimbali za kuimarisha uchumi wa bara la Afrika.

Mugabe amechukua nafasi hiyo ya Uenyekiti kuziba nafasi inayoachwa na Rais wa Afrika Kusini Nkosazana Dlamini-Zuma.

Wadadisi wa masuala ya kisiasa wametilia shaka uteuzi huo wa Rais Mugabe kuongoza  Zaidi ya nchi arobaini ambazi ni wanachama wa umoja huo wakieleza kuwa Mwenyekiti huyo mpya hana mahusiano mazuri mataifa ya Magharibi

Shaka hiyo dhidi ya Mugabe pia imejadiliwa na wanasiasa kuwa pengine ikiwa chachu ya maendeleo kwa Afrika kwa kujitawala yenyewe bila kutegemea nchi wafadhili.

 MAKALLA AKAGUA UJENZI WA BWAWA KUBWA LA MAJO CHOLE, WILAYANI KISARAWE


 Naibu Waziri wa Maji, Amos Makalla (katikati), akizungumza baada ya kukagua bwawa la kuhifadhia maji ya mvua kwa ajili ya matumizi ya wananchi wa vijiji vya Chole na Kwala, wilayani Kisarawe mkoani Pwani leo. Bwawa hilo linalotarajia Bwawa  limejengwa kwa gharama ya sh. Bilioni 1.5, linawezo wa kutoa lita milioni 250 kwa mwaka. Kushoto kwake ni Mbunge wa Jimbo la Kisarawe, Selemani Jaffo

Makalla akikagua ujenzi wa bwawa hilo la Chole


Bwawa la Chole linalojengwa na kampuni ya kitanzania ya Kika


Makalla akiwa na Mbunge wa Jimbo la Kisarawe, Seleman Jaffo baada ya kuweka jiwe la msingi ujenzi wa tanki la maji katika Kijiji cha Chole, wilayani Kisarawe.




Makalla akimtwisha ndoo ya maji Zena Mwinyihija baada ya kuzindua kisima cha maji katika Kijiji cha Mengo, wilayani Kisarawe.




Makalla akiwa na Mbunge wa Jimbo la Kisarawe, Seleman Jaffo baada ya kuweka jiwe la msingi ujenzi wa tanki la maji katika Kijiji cha Chole, wilayani Kisarawe.



Wananchi wakisikiliza kwa makini wakati Makalla akihutubia baada ya kuweka jiwe la msingi ujenzi wa Tanki la maji katika Kijiji cha Chole.

Katibu wa Bodi ya Maji ya Kijiji cha Chakenge, wilayani Kisarawe, Pwani, Fatuma Chambuso akisoma taarifa ya usimamizi wa mradi wa maji uliozinduliwa na Naibu Waziri wa Maji katika Kijiji hicho 
Mwenyekiti wa Kijiji cha Chakenge, Mohamed Ndege akimkabidhi zawadi ya mbuzi Naibu Waziri Makalla.




Wananchi wa Kijiji cha Chakenge, wilayani Kisarawe wakicheza muziki wa Mwanamuziki Naseeb Abdul 'Diamond Platinamuz' kufurahia kuzinduliwa kwa mradi wa maji uliofanywa na Naibu Waziri wa Maji, Amos Makalla.

Naibu Waziri wa Maji, Amos Makalla (kulia) akiungana na wananchi kucheza muziki mpya mdogo mdogo wa Mwanamuziki Diamond, baada ya kuzindua mradi wa maji katika Kijiji cha Chakenge, wilayani Kisarawe, Pwani. PICHA ZOTE NA KAMANDA RICHARD MWAIKENDA WA KAMANDA WA MATUKIO BLOG   August 01, 2014

DC in Coast Region cautions over illegal logging in Ruvu South forest

BY GERALD KITABU,THE GUARDIAN

Kisarawe District commissioner, Fatuma Kimario

Kisarawe District commissioner Fatuma Kimario has warned members of natural resource committees in the villages within the district to stop engaging in illegal logging, timber harvesting and charcoal production in the Ruvu South Forest reserve.

 

She said it is very shocking to see and hear that the “watchdogs” of the forest reserve are the same people setting back the district’s move to protect and manage the reserve.

 

The DC gave the warning in Kisarawe during a meeting of sharing of survey results for Ruvu South forest reserve conducted by Tanzania Forest Conservation Group (TFCG) in collaboration with Community Forest Conservation Network of Tanzania (Mjumita).

 

She directed the villages to make sure that they appoint well disciplined and patriotic members who have public interest at heart.

 

“If you go into the forest reserve today, you may shed tears on how the forest reserve has been degraded! I have the evidence that some of you members of this natural resource committee are doing this illegal business,” she said.

 

I think the government should work out plans to invite investors who would invest in animal zoo. I think this would be the best strategy of protecting our forest reserves because they will make sure that they protect these zoos and prevent these illegal loggers,” he said.

 

In another development, the DC advised the government to make sure that it subsidizes gas so that many ordinary Tanzanians who use charcoal and fire wood as their main source of energy can afford to ease pressure on the forest reserves.

 

Kibaha District forest manager, Fortunata Senya said that experience shows that some village natural resource committee members are not trusted at all when it comes to protecting the forest reserve.

 

“Sometimes these people are not trusted. They may give you full support today to arrest the illegal loggers and charcoal producers but immediately when you leave the forest reserve, they start colluding with other illegal loggers to facilitate the ill-gotten gains,” she said.

 

For their part, committee members, Subira Juma and Latifa Feli from Soga, Kibaha, told participants that some unfaithful government officials were in cahoots with a syndicate of powerful business tycoons to mow down the forest reserve.

 

The Members vowed to take to task any government official or village natural resource member who would be found colluding with the charcoal producers.

 

“I was born once and will die once! I don’t fear anything. I will work around the clock to make sure that any member arrested is taken to court immediately,” said Subira amid applause from the participants.

 

Earlier, presenting the research findings, the project manager, Elinas Monga and the forest condition and monitoring officer Justine Gwegime said the illegal logging and charcoal production activities have threatened disappearance of a number of rare species.

 

“The survey shows that the deforestation at Mtamba, Kola, Chakenge villages has disturbed these animals. Fire outbreak has also hurt the biodiversity at Kifuru and Kazimzumbwi,” said Gwegime.

For his part, Project manager, Elinas Monga said the survey results indicate that in 2003, there was a slight decrease of forest disturbances compared to 2011.

 

The researchers urged the village natural resource Committee (VNRC’s), village chairmen, foresters, Tanzania and Forest Service (TFS) to make sure that they commit themselves to protect and manage the forest reserve.

Askari wa Zimamoto wakiendelea na jitihada za kumaliza kuzima  moto Uliounguza Club Olympia Sinza


nnnnnnn

TAARIFA KAMILI YA KUKAMATWA PROFESA LIPUMBA NA POLISI
By: Julius Mtatiro,
27 Januari 2015,
Masomoni.
 Profesa Lipumba na Manaibu Wakurugenzi wawili wa Chama Cha Wananchi CUF (Shaweji Mketo na Abdul Kambaya), pamoja na walinzi wa Profesa Lipumba, wamekamatwa na polisi. Pia, nimeongea na mhe. Joram Bashange, Mkurugenzi wa Fedha wa CUF, tayari yuko Central Police lakini hajaruhusiwa kuwaona viongozi. Mawakili wa CUF wanaelekea polisi pia.
KUMBUKIZI YA MWAKA 2001

Ukamataji huo uliotumia nguvu kubwa umetokea leo majira ya Mchana wilayani Temeke. Leo ni Januari 27 na ni siku yenye kumbukumbu muhimu kwa Chama Cha Wananchi CUF baada ya matukio ya mauaji yaliyofanyika tarehe na mwezi kama huu huko Zanzibar ambako wafuasi wa CUF zaidi ya 100 waliuawa kwa risasi na vyombo vya dola. Mauaji hayo yalifuatiwa na maandamano mbalimbali yakiwemo ya Dar Es Salaam yaliyoongozwa na Prof. Lipumba ambaye alivunjwa mkono, kuporwa saa yake ya thamani na polisi, kukamatwa na kufunguliwa mashtaka.
MAANDAMANO YA CUF KILA MWAKA:
Baada ya tukio hilo CUF imekuwa na utaratibu wa kuandamana kila mwaka (maandamano ya amani) ili kuwakumbuka wahanga wa mauaji ya Januari 2001 na kuwaenzi waliopata ulemavu wa kudumu kutokana na kipigo cha vyombo vya dola. Mwaka jana 2014 mwezi kama huu Bendera za Chama cha Wananchi CUF zilipepea nusu mlingoti na pia maandamano yalifanywa maeneo kadhaa ya nchi na vyombo vya dola viliyalinda.
Mwaka huu nimeambiwa kuwa CUF ililijulisha jeshi la polisi juu ya maandamano ya leo kupitia barua ya Alhamisi, Tarehe 22 Januari 2014. Baada ya CUF kuandika barua hiyo, maandalizi ya maandamano na mkutano wa hadhara yaliendelea, ikiwemo kufanya matangazo kwenye wilaya za DSM, kukodi vifaa mbalimbali na hata kulipia matangazo LIVE kwenye redio kadhaa ili hotuba za viongozi ziweze kurushwa. Jeshi la polisi lilipokea barua hiyo tokea tarehe 22 Januari na likakaa kimya muda wote huo.
ZUIO LA POLISI:

Leo tarehe 27 Januari, maandamano yalipangwa kuanza saa 8 mchana kuanzia Temeke Mwisho kwenda hadi viwanja vya MBAGALA ZAKIEM ambako mkutano wa hadhara ungefanyika kuanzia saa 10.00 - 12.00 jioni. Cha ajabu ni kuwa, asubuhi ya leo ndipo Jeshi la Polisi limepeleka barua kwenye Ofisi Kuu za CUF Buguruni KUZUIA MAANDAMANO na MKUTANO WA HADHARA.
Barua hiyo iliyosainiwa na Kaimu Kamishna wa Polisi Kanda ya Dar Es Salaam na Pwani inaeleza sababu kadhaa za zuio hilo:
1. Kwamba, maandamano ya CUF ya Mwezi Januari 2001 yaliyofanya vyombo vya dola vitumie nguvu na kuua raia hayakuwa halali na hivyo kuadhimisha siku hiyo mwaka huu ni haramu na kunaweza kuhatarisha amani ya nchi.
2. Kwamba, Taarifa za kiintelijensia zinaonesha ati kuna watu wamepanga kufanya vurugu katika maandamano na mkutano huo.
3. Kwamba, kuna vitisho vya UGAIDI katika nchi yetu na hivyo maandamano hayo na mkutano huo vinaweza kuleta madhara ya magaidi kupenya na kutekeleza azma zao mbaya.
4. Sababu nyingine za kipuuzi, dhaifu na zisizo na maana.
Baada ya kupokea barua hiyo na kwa sababu wananchi na wapenzi wa CUF walikwishajikusanya kwa maelfu kwa ajili ya maandamano, ilimpasa Profesa Lipumba na viongozi waandamizi wa chama waweze kwenda hadi Temeke Mwisho ili kuahirisha maandamano hayo.
TEMEKE MWISHO:

Majira ya mchana leo, Profesa Lipumba aliongea na wanachama na wapenzi wa CUF waliojazana Temeke Mwisho karibu na Ofisi za CUF Wilaya na akaahirisha maandamano na mkutano (Usalama wa Taifa walikuwepo, Polisi walikuwepo kwa mamia na vyombo vya habari vilikuwepo). Baada ya kufanikiwa kuwatawanya wafuasi waliokuwa Temeke Mwisho, Profesa akajulishwa kuwa kule uwanjani Zakiem tayari kuna maelfu ya wafuasi, ikampasa yeye na viongozi waandamizi waingie katika magari na kuanza safari kwenda Zakiem kwa lengo la kuwatawanya wafuasi kwa amani kama alivyofanya kwa wale waliokusanyika Temeke Mwisho. Hapakuwa na wafuasi wa chama waliomfuata.
KUELEKEA MBAGALA ZAKIEM:

Wakiwa katika Magari yao na katika safari ya kwenda Mbagala Zakiem, wakazuiwa na magari zaidi ya 10 ya polisi walio tayari kwa mapambano. Profesa na viongozi wakawajulisha Polisi azma yao ya kwenda kutawanya wafuasi walioko Zakiem, baada ya mvutano mfupi Polisi hao waliwaruhusu waende Zakiem. Safari ya magari machache ikaendelea, bila wafuasi wanaotembea kwa miguu.
Walipofika mbele (Mtoni Mtongani - Round about) wakakuta BLOCK ya pili ya mamia ya Polisi wenye magari na silaha. Hawa nao wakawazuia wasiende ZAKIEM, wakati bado Profesa anawaelewesha, mabomu yakaanza kupigwa na viongozi kusambaratishwa kwa nguvu mno kama vile kulikuwa na jambo kubwa. Profesa amebebwa mzobemzobe akipigwa virungu na kutupwa kwenye DIFENDA ya polisi yeye, wakurugenzi wake na walinzi wake. Hivi sasa tuongeavyo wako CENTRAL POLICE na mie nilitoka tu kidogo Darasani ili kupiga simu na kusimuliwa tukio zima.
CHA KUSHANGAZA:

Wakati polisi wanazuia maandamano ya CUF kwa nguvu kubwa kiasi hiki, wanawapiga na kuwajeruhi viongozi wasio na hatia na ambao wamejishusha na kuahirisha maandamano na mkutano wao, Polisi haohao kila siku tunaona wanasimamia maandamano na mikutano ya Mwigulu Nchemba, Abdulrahman Kinana, Nape Nauye na viongozi chungu mbovu wa CCM.
Hata katika maadhimisho ya miaka 38 ya CCM yanayotarajiwa kufanyika mkoani Ruvuma, nimejulishwa kuwa kuna maandamano yamepangwa yakihusisha wana CCM mbalimbali katika wilaya za jirani ili kusheherekea sikukuu yao na kwamba Polisi watayalinda maandamano hayo ya CCM.
MASWALI YA KUJIULIZA:

Je, hizi taarifa za Kiintelijensia zinafanya kazi kwa mikutano na maandamano ya vyama vya upinzani tu? Je, hao Magaidi wao wanavamia na kulipua mikutano ya vyama vya upinzani tu? Magaidi gani hawa ambao hawaendi kuvamia wezi wa fedha za umma ati wanakwenda kuvamia viongozi waadilifu wanaopigania haki sawa kwa wote na mabadiliko makubwa katika nchi yetu? Tunadhani matendo haya ya serikali na vyombo vyake dhidi ya vyama vya upinzani yanajenga mustakabali wa taifa? Yanajenga amani na upendo miongoni mwetu? Au yanazidisha chuki na uhasama na mgawanyiko/mpasuko katika taifa?
Kwa nini mamia ya askari wanaokwenda kupiga na kujeruhi viongozi wenye nia njema yasitumike kwenda kusaka majambazi walioua askari wetu pale Ikwiriri Rufiji? Kwa nini mamia ya askari hao yasiwasake majambazi walioteka mabasi ya abiria mkoani Arusha majuzi? Kwa nini mamia ya Askari hao yasijielekeze kuwasaka wauaji wa Albino na wazee wenye macho mekundu Shinyanga?
Kwa nini mamia ya askari hao wasipelekwe kuwasaka magaidi ambao tumegundua watakuja kutuvamia? Na mbona maguvu hayo ya polisi yasielekezwe kuwasaka wala rushwa wakubwa, wafadhili na wamiliki wa mitandao ya kuuza madawa ya kulevya, wezi wa fedha za umma na waharibifu wakuu wa Taifa hili?
Mbona taifa hili linaendeshwa kipuuzi namna hii? Mbona nchi yetu inapelekwa mbele kama vile kuwa Chama Cha Upinzani ni dhambi dhidi ya watawala wezi na mafisadi? Kwa nini basi CCM hao hao wakapigia debe kuanzishwe vyama vingi mwaka 1992? Sasa wanaogopa na kuweweseka kwa lipi?
(UKIONA SERIKALI INAOGOPA MAANDAMANO YA AMANI NA MKUTANO WA CHAMA KIMOJA TU HADI KUPIGA NA KUKAMATA VIONGOZI, JUA KWAMBA SERIKALI HIYO HAINA SIKU NYINGI MADARAKANI).

"Time will determine and judge each of us".
Julius Mtatiro,
27 Januari 2015,
Masomoni.

MWENYEKITI WA CUF PROFESSA IBRAHIM LUPUMBA AKAMATWA

Uzinduzi wa ujenzi wa barabara za Mbezi mwisho-Goba-Tangi Bovu, Barabara ya External –Kilungule, Barabara ya Msewe-Baruti! Hii ni moja ya hatua kubwa sana na muhimu katika utatuzi wa foleni ndani ya Jiji la Dar es Salaam na kuendeleza kwa kiasi kikubwa maeneo ambayo barabara hizo zinapita (ndani ya Jimbo la Ubungo).

Baraza jipya la Mawaziri Kutangazwa jioni ya Leo Ikulu Dar es Salaam

Zikiwa zimebaki siku mbili kabla ya Bunge la Jamhuri ya Muungano kuanza mjini Dodoma na Baada ya aliyekuwa waziri wa Nishati na madini Profesa Sospiter Muhongo KUJIUZULU LEO HII, Rais Jakaya Kikwete anatarajiwa wakati wowote kuanzia sasa kufanya mabadiliko katika Baraza la Mawaziri wakati kabla ya saa mbili(2) zijazo.

Rais anatarajiwa kufanya mabadiliko hayo baada ya kumwondoa Anna Tibaijuka, ambaye alikuwa Waziri wa Ardhi, Nyumba na Maendeleo ya Makazi kwa kuhusishwa na kashfa ya uchotwaji fedha kwenye Akaunti ya Tegeta Escrow baada ya kuingiziwa Sh1.6 bilioni kwenye akaunti yake.

Mwingine ni Waziri wa Nishati na Madini, Profesa Sospeter Muhongo, ambaye anatuhumiwa kutoshughulikia kwa makini sakata hilo na kusababisha Serikali kupoteza fedha hivyo kuwapo kwa uwezekano mkubwa wa kumvua uwaziri unaomlazimu Rais kufanya mabadiliko madogo kwenye baraza lake, ikiwa ni miezi isiyozidi mitano kabla ya kuvunja Bunge kupisha Uchaguzi Mkuu wa Oktoba.

Habari ambazo tumezipata zinaeleza kuwa Rais Kikwete anaweza kutangaza mabadiliko hayo wakati wowote kuanzia sasa .

Ikumbukwe ''Rais anaondoka kesho Jumapili kwenda Davos (Uswisi kuhudhuria mkutano wa Jukwaa la Kiuchumi la Dunia (WEF)), hivyo kwa jinsi yoyote ile ni lazima atangaze baraza jioni ya leo au Jumamosi,” .

“Hawezi kutangaza baraza jipya akiwa nje ya nchi, hivyo ni lazima atangaze leo Jumamosi ili Jumapili afanye shughuli nyingine na kuondoka.”

Hata hivyo, mabadiliko ya mwisho ya Baraza la Mawaziri yalitangazwa na Katibu Mkuu Kiongozi, Ombeni Sefue ambaye pia anaweza kupewa kazi hiyo.

Baada ya kujadili sakata la uchotwaji wa fedha hizo kwa takriban siku nne, Novemba 28, mwaka jana Bunge lilifikia maazimio manane, likiwamo la kutaka wote waliohusika kwenye kashfa hiyo wachukuliwe hatua na mamlaka husika, akiwamo Profesa Muhongo ambaye Rais Kikwete alisema Novemba 22, 2014 kuwa amemuweka kiporo hadi baada ya “siku mbili au tatu” kusubiri matokeo ya uchunguzi.

Hata hivyo, shinikizo liliongezeka baada ya Kamati Kuu ya CCM, iliyokutana Zanzibar chini ya uenyekiti wa Rais Kikwete, kuitaka Serikali iwe imetekeleza kwa vitendo maazimio yote ya Bunge kuhusu sakata hilo kabla ya kikao cha Bunge kitakachoanza Jumanne ijayo na kutaka wahusika walioko kwenye dhamana za uteuzi wachukuliwe hatua stahili na mamlaka zao kuwawajibisha mara moja.

Pia, Kamati ya Maadili ya CCM iliyokutana Dar es Salaam mapema wiki hii, iliwajadili wanachama waliohusika kwenye kashfa hiyo na kupeleka taarifa yake kwenye Kamati Kuu ya chama hicho kwa hatua zaidi.

Wakati CCM ikisema hayo, wabunge wamekuwa wakimkumbusha kiongozi huyo wa Serikali kuchukua hatua kabla ya kikao cha Bunge. Wabunge wawili wa mkoani Arusha, Godbless Lema na Joshua Nassari wote kupitia Chadema, wamediriki kusema kuwa watamwondoa Profesa Muhongo kwa mabavu kwenye ukumbi wa chombo hicho cha kutunga sheria iwapo Rais hatakuwa amemuondoa.

Pia, nchi wahisani zilieleza mapema mwezi huu kuwa pamoja na kuruhusu kiasi cha fedha kwa ajili ya miradi ya maendeleo, bado zinasubiri tamko la Serikali kuhusu sakata hilo, ikiwa ni pamoja na hatua ilizochukua kuzuia kashfa kama hiyo isitokee tena, ili Tanzania inufaike kwa misaada hiyo ya fedha zinazotokana na walipakodi wa nchi zao.

Wapinzani wanamlaumu Rais Kikwete kwa kuchelea kumwondoa Profesa Muhongo baada ya kuahidi mwezi mmoja uliopita kuwa angelifanyia uamuzi suala lake katika muda wa siku mbili au tatu tangu Desemba 22 mwaka jana.

Kuna habari kwamba kuchelewa kutangazwa kwa mabadiliko hayo pengine kunatokana na Rais Kikwete kusubiri ripoti ya uchunguzi wa kashfa ya Operesheni Tokomeza, ambayo habari zinasema inaweza kuwasafisha baadhi ya mawaziri na hivyo kumpa mwanya wa kuwarejesha, hasa kutokana na muda wa uhai wa baraza hilo kuwa mfupi, hivyo angehitaji watu ambao ameshafanya nao kazi.

Kabla ya kutangaza hatua alizochukua kwa mujibu wa maazimio ya Bunge, Rais Kikwete alikatisha ziara ya Waziri Mkuu Mizengo Pinda aliyekuwa Arabuni, kitendo kilichotafsiriwa kuwa alitaka ushauri kuhusu mawaziri waliohusika na hatua za kuchukua, lakini akatangaza kumvua uwaziri Profesa Tibaijuka pekee.

Awali, Kamati ya Bunge ya Hesabu za Serikali (PAC) ilipendekeza kuwa Waziri Pinda naye awajibishwe kutokana na kushindwa kushughulikia suala hilo akiwa mtendaji mkuu wa Serikali.

Aidha, habari ambazo Mwananchi imezipata zinasema kuwa Rais Kikwete pia alitaka kutumia fursa hiyo kuwaondoa mawaziri wote waliotangaza nia ya kugombea urais kutokana na kusakamwa kuwa wanatumia nafasi zao vibaya, huku wakivunja taratibu za CCM.

Hata hivyo, kutokana na ukweli kuwa Pinda ni miongoni mwa waliotangaza nia, itakuwa vigumu kwake kumuondoa mtendaji huyo mkuu kwa kuwa itamaanisha kuvunja Serikali.

Katika sakata la Tegeta Escrow, zaidi ya Sh306 bilioni zilichotwa kwenye akaunti hiyo iliyokuwa Benki Kuu ya Tanzania (BoT) ambayo ilifunguliwa kwa pamoja na Tanesco na kampuni ya IPTL, ambayo iliingia mkataba wa kuliuzia umeme shirika hilo la umma, baada ya pande hizo mbili kuingia kwenye mgogoro wa viwango vya tozo na hivyo kufungua kesi mahakamani.

Kesi hiyo iliisha kwa jaji kuamua kuwa pande hizo mbili zikokotoe upya viwango vya tozo hiyo, lakini fedha zote zilizokuwamo kwenye akaunti hiyo zikaondolewa mwishoni mwa mwaka jana na kulipwa kwa Kampuni ya Pan African Power Solutions (PAP), ambayo ilinunua hisa zote za umiliki wa IPTL.

Wakati malipo hayo yanafanyika, kulikuwa na pingamizi la Mamlaka ya Mapato Tanzania (TRA) ambayo ilitaka kodi ambayo Tanesco ilitakiwa ilipe, ikatwe kwanza kabla ya IPTL kulipwa fedha zake, huku ikihoji kodi nyingine katika ununuzi wa hisa za kampuni nyingine iliyomiliki kwa muda hisa za IPTL ya Piperlink ulioonekana kutawaliwa na udanganyifu.

Tayari Jaji Frederick Werema, aliyekuwa Mwanasheria Mkuu wa Serikali, ameshajiuzulu wadhifa huo, wakati Katibu Mkuu wa Wizara ya Nishati na Madini, Eliakim Maswi amesimamishwa kazi kupisha uchunguzi.

Wenyeviti watatu wa kamati za Bunge, William Ngeleja, Andrew Chenge na Victor Mwambalaswa, wamejiuzulu nyadhifa zao, ikiwa ni sehemu ya maazimio ya Bunge. Pia kuna mlolongo wa viongozi wa umma, vigogo wa zamani wa Serikali na watumishi wa umma walioingiziwa fedha na mmiliki wa zamani wa Kampuni ya IPTL, James Rugemarila ambazo zinahusishwa na kashfa hiyo au kutotangaza masilahi binafsi katika vikao vilivyohusu sakata hilo.

Chenge, aliyewahi kuwa Mwanasheria Mkuu wa Serikali ambaye ni Mbunge wa Bariadi, aliingiziwa Sh1.6 bilioni, Ngeleja, waziri wa zamani wa Nishati na Madini na Mbunge wa Sengerema aliingiziwa Sh40.4 milioni, wakati Mwambalaswa ameondolewa kutokana na kuwa mwenyekiti wa Kamati ya Nishati na Madini wakati huohuo akiwa mwenyekiti wa Bodi ya Tanesco iliyotuhumiwa kushindwa kushughulikia vizuri sakata hilo.

Wakati hayo yakiendelea, Taasisi ya Kudhibiti na Kupambana na Rushwa (Takukuru) imeshawafikisha mahakamani maofisa sita waandamizi wa TRA, Tanesco na BoT kwa tuhuma za kuhusika kwa njia moja au nyingine kwenye kashfa hiyo.

Kauli ya wasomi

Aliyekuwa Makamu Mkuu wa Chuo Kikuu cha St Augustine, Dk Charles Kitima alisema: “Nchi lazima iundwe na Serikali imara na itakayoendeleza mikakati yake ya maendeleo. Tunakwenda katika uchaguzi hivyo nchi inahitaji Serikali yenye viongozi madhubuti.”

Huku akitolea mfano Uchaguzi Mkuu utakaofanyika Oktoba na Kura ya Maoni kupitisha Katiba Mpya, Dk Kitima alisema mambo hayo yanahitaji viongozi makini wa kuyasimamia.

Mhadhiri wa Chuo Kikuu Dar es Salaam, Bashiru Ally alisema: “Nadhani mabadiliko yanaweza kuwa makubwa kutokana na matukio yaliyopo mwaka huu. Yanaweza kuwa ni mabadiliko ya kuhakikisha kuwa Serikali iliyopo madarakani inaendelea kuwapo. Mabadiliko ya kuisaidia CCM kushinda.”

Aliungana na Dk Kitima, kusisitiza kuwa sakata la escrow, Uchaguzi Mkuu na Kura ya Maoni ni kati ya mambo yanayoweza kuchangia kufanyika kwa mabadiliko makubwa.

Waziri wa Nishati na Madini, Profesa Sospeter Muhongo akiongea na wanahabari ofisini kwake leo.

Hatimaye Waziri wa Nishati na Madini, Profesa Sospiter Muhongo amejiuzulu leo jijini Dar es Salaam.

Waziri Muhongo amechukua uamuzi huo leo ofisini kwake mbele ya waandishi wa habari.

Kujiuzulu kwa Muhongo kumetokana na maazimio ya Kamati ya Bunge  ya Hesabu za Serikali chini ya Mhe. Zitto Kabwe ilitokana na sakata la ufisadi wa Akaunti ya Escrow ambapo zaidi ya shilingi bilioni 306 zilichukuliwa kiholea Benki Kuu ya Tanzania na kusababisha mjadala mzito ndani na nje ya Bunge.

Ukaguzi maalum uliofanywa na Mkaguzi Mkuu wa Hesabu za Serikali (CAG)  na uchuguzi wa Taasisi ya Kuzuia na Kupambana na Rushwa (Takukuru) kwenye akaunti hiyo, ulifanywa na ripoti zikatolewa na bunge, likajadili na kufikia tamati kwamba kuna kodi ya umma iliibwa.

Kwa vile suala hili liligusa utendaji wa viongozi wa ngazi za juu serikalini pamoja na wanasiasa wengine,  bunge lilitaka kuyumba kutokana na kupendeleana licha ya ukweli kwamba fedha zilizochukuliwa ni nyingi sana .

Ripoti ya Kamati ya Bunge ya Hesabu za Serikali (PAC), chini ya Uenyekiti wa Zitto Kabwe ilipitia kwa ufasaha ukaguzi wa Mkaguzi Mkuu wa Hesabu za Serikali,(CAG)  na uchunguzi wa Takukuru wakatoa ripoti yao na uthibitisho wa kutosha kuwa(aliyekuwa) Mwanasheria Mkuu wa Serikali, Jaji Frederick Werema, Waziri wa Madini na Nishati, Profesa Sospiter Muhongo pamoja na watendaji wengine serikalini wamehusika kwa njia moja au nyingine na upotevu wa fedha hizo za Escrow ama kwa kukusudia ama kwa kutojua, kitu ambacho kilielezwa kuwa ni uzembe.

Rais Jakaya Kikwete alichukua uamuzi wa kumfuta kazi Waziri wa Ardhi, Nyumba na Maendeleo ya Makazi, Profesa Anna Tibaijuka  kutokana na madai kuwa alichotewa shilingi Bilioni 1.6  zilizotoka katika akaunti hiyo ya Escrow.

Rais Kikwete alisema Profesa Muhongo alikuwa amemuweka kiporo. Hata hivyo, Watanzania wengi wakati wa kikao cha bunge liliopita walishangazwa kuona baadhi ya wabunge kukaza misuli ya shingo zao na kutetea wizi ili wahusika wasiwajibishwe. Wengine walipingana na ripoti ya CAG.

Wakati wa kikao hicho cha Bunge aliyekuwa Mwanasheria Mkuu wa Serikali, Jaji Fredrick Werema alidaiwa kutaka kumpiga Mbunge wa Kigoma Kusini, David Kafulila ambaye ndiye aliyeanzisha mjadala wa sakata hilo bungeni.

Vyombo vya habari vikatangaza kuwa kama siyo kuzuiwa na mawaziri, Jaji Werema angezua tafrani bungeni kutokana na kitendo chake cha kutaka kumpiga mbunge huyo  kutoka NCCR-Mageuzi, David Kafulila.

Ilidaiwa kuwa tafrani hiyo ilitokea baada ya Mwenyekiti wa Bunge, Mussa Azzan Zungu kuahirisha kikao cha Bunge hadi jioni ya siku hiyo, ikiwa ni muda mfupi baada ya Werema na Kafulila kurushiana maneno bungeni baada ya mheshimiwa kuchukizwa na kitendo cha mbunge huyo kijana kumwita mwizi, akijibu mapigo baada ya mbunge huyo kuitwa tumbili (na mwanasheria mkuu huyo wa nchi).

Waliomzuia Jaji Werema asizipige baada ya kumzunguka inadaiwa ni baadhi ya mawaziri ambao walimsindikiza hadi nje ya Ukumbi wa Bunge.

Jaji Werema pia alituhumiwa kumtishia Kafulila ambaye alilalamika bungeni. Ikadaiwa kuwa jaji huyo alimtolea maneno hayo ya vitisho mbunge huyo kwenye viunga vya bungeni mjini Dodoma baada ya bunge kuahirishwa.

Hili ni tukio baya ambalo limeingia katika rekodi. Mheshimiwa Werema pia alijiuzulu kutokana na kashfa hiyo.

Idadi kubwa ya wafanyabiashara KARIAKOO hawalipi kodi

Fri Jan 23 2015

Waziri wa fedha SAADA MKUYA

Idadi kubwa ya wafanyabiashara wa eneo la kariakoo jijini dsm, hawalipi kodi baada ya wafanyabiashara hao kuonekana kuuza bidhaa zao bila kutumia mashine za elektroniki za kutolea risiti- EFD.

Wafanyabiashara hao pia wanakwepa kodi kwa kutoa risiki faki kwa kutumia vitabu ambavyo havitambuliki na mamlaka ya mapato nchini TRA na wafanyabiashara wengine wanauza bidhaa zao bila kutoa risiti.

Hayo yamegundulika wakati wa ziara ya kushitukiza iliyofanywa na na Waziri wa fedha SAADA MKUYA kwenye maduka yaliyopo eneo la KARIAKOO ambapo amewataka wafanyabiashara hao kutoa risiti kwa kutumia mashine za EFD.

Mmoja wa wateja wa wafanyabiashara hao amedai kuwa hiyo ni kawaida kwa baadhi ya wafanyabiara wa kariakoo kutoa risiti feki kwa visingizio mbalimbali ikiwemo mashine za EFD kushindwa kufanyakazi.

Benki ya maendeleo yazindua huduma mpya​

Fri Jan 23 2015

Naibu waziri wa fedha MWIGULU NCHEMBA

Benki ya MAENDELEO imezindua huduma mpya ya kuweka na kutuma fedha kwa kutumia simu za mikononi inayojulikana kama MB MOBILE ili kutoa fursa kwa watanzania wengi kushiriki katika huduma za kifedha.

Akizindua huduma hiyo Naibu waziri wa fedha Mwigulu Nchemba amesema MB Mobile inapunguza gharama za uanzishwaji wa matawi na usambazaji wa huduma za kibenki katika maeneo mengi nchini.

Awali mkurugenzi mtendaji wa BENKI ya MAENDELEO IBRAHIM MWANGALABA amesema benki hiyo imetoa mikopo yenye jumla ya shilingi bilioni kumi tangu kuanzishwa kwake mwaka mmoja uliopita na miongoni mwa waliofaidika ni wanawake wajasirimali.

MTI WA MWAROBAINI HUTIBU MAGONJWA YA NGOZI The Fadhaget Sanitarium Clinic siku ya leo imeona itoe elimu ya faida za mti wa mwarobaini hasa katika suala zima la magonjwa ya ngozi yanayosumbua sana wanadamu. Mwarobaini (Azadirachta indica) ni mti unaofahamika kwa uwezo wake wa kutibu magonjwa ya aina mbalimbali. Inaaminika kuwa mti huu umetoka huko India na Burma . Mwarobaini hushamiri zaidi katika nchi za tropiki na una uwezo mkubwa wa kuhimili ukame. Nchini Tanzania, mti wa mwarobaini huweza kupatikana kwa urahisi kabisa katika maeneo mengi ya mijini na vijijini. Jina “mwarobaini” linatokana na imani kuwa mti huu una uwezo wa kutibu magonjwa yapatayo arobaini. Majani na mbegu za mwarobaini vimekuwa vikitumiwa kama tiba kwa miaka maelfu katika nchi mbalimbali duniani. Kati ya magonjwa ambayo mti huu umetumika kutibu au kupoza ni pamoja na matatizo ya kusaga chakula tumboni, kisukari, kansa, magonjwa ya ngozi, malaria, ukungu (fungus), n.k. Matawi yake hutumiwa kama mswaki na magome yake hutumiwa kama dawa ya kusafisha meno. Mafuta ya mibegu ya mwarobaini hutumika kutengenezea vipodozi na sabuni. Kiziduo cha mibegu au mafuta yake hutumiwa kama dawa ya kuulia wadudu wanaoharibu mimea shambani. Tumekwisha ziona faida mbalimbali za mti wa mwarobaini, leo nitakufundisha namna ya kutumia mti wa mwarobaini kujitibu magonjwa ya ngozi. MAHITAJI : Majani ya mti wa mwarobaini. Sufuria Mwiko Jiko la gesi, mkaa au jiko la mafuta. HATUA ZA KUFUATA: Chukua majani mabichi ya mti wa mwarobaini na uyaweke kwenye sufuria. Chukua sufuria yako yenye majani ya mti wa mwarobaini na ui injike kwenye jiko lenye moto wa wastani. Chukua mwiko wako na uanze kuyakoroga majani yako taratibu hadi yakauke bila kuungua. Majani yako yakiisha kauka, ipua sufuria yako, chukua majani yako yaliyo kauka, yasage kisha hifadhi unga unga wako kwenye chombo cha plastiki. MATUMIZI : Tumia vijiko viwili vya chai kwenye kikombe cha robo lita chenye maji ya moto, mara mbili kwa siku kwa muda wa siku ishirini na moja.

Copy and WIN : http://bit.ly/copy_win

Muarobaini kudhibiti magonjwa ya mikorosho

By Lulu George

Wakati dawa na sumu za viwandani zinaendelea kushika kasi kubwa katika kudhibiti madhibiti magonjwa ya mimea, utafiti wa matumizi ya muarobaini kudhibiti magonjwa ya mikorosho umetoa matokeo ya kuridhisha.
Matokeo hayo ya matumzi ya dawa za asili zisizo na kemikali yanayotoa faraja kubwa, kwa watu wanaohitaji mazao yatokanayo na kilimo kinachotumia mbinu za kiasili za kudhibiti visumbufu vya mimea (Kilimo Hai) na kupunguza ongezeko la sumu katika mazingira ya kilimo ili kutoa nafasi kwa viumbe rafiki wa mkulima, kuzaana, kuongezeka na hatimaye kupunguza visumbufu kwa njia asilia.
Utafiti unafanywa na kampuni iitwayo Neem Botanical Phamacy Roy ya Tanga kwa kushirikiana na Bodi ya Korosho Tanzania, kupitia Kituo cha Utafiti wa Mazao ya kilimo Naliendele Mtwara (NARI) kwa ajili ya kutibu zao la mkorosho kwa kutumia muarubaini.
Mkurugenzi wa Neem Botanical Phamacy Roy Nicolaus Erio akizungumzia utafiti huo anasema kuwa,wanatumia dawa za asili kama mbinu mpya ya za kiasili za kudhibiti visumbufu vya mimea  ili kupunguza ongezeko la sumu katika mazingira ya kilimo  na  kutoa nafasi kwa viumbe rafiki wa mkulima, kuzaana na kuongezeka kisha kupunguza visumbufu kwa njia asilia.
 
“Baadhi ya dawa zenye kemikali hukaa muda mrefu bila kuisha nguvu….baada ya mboga kuvunwa na kutumiwa kama chakula  kemikali hujikusanya kwenye mwili wa binadamu na matokeo yake ni kusababisha magonjwa yakiwemo kansa. Hii ni tofauti na  dawa za asili ambayo  huishiwa nguvu haraka, hivyo hayana madhara kwa binadamu,” anafafanua mtaalamu huyo na kuendelea.
 
 
“Dawa za asili ni viuatilifu (dawa) zinazotokana na vitu vya asili kama mimea, mifugo, udongo na majivu yanayotumika kuzuia au kuangamiza  magonjwa  na wadudu waharibifu.Baadhi ya dawa au mimea hii, hutoa sumu inayonyunyiziwa dawa hizi za asili na matokeo yake ni kuwa
mashambulizi yanapungua, mavuno na ubora wa mazao vinaongezeka bila kuharibu mazingira,”  anafafanua Mtaalamu wa Erio.
Kimsingi Erio anasema kuwa, kinachohitajika ni kudhibiti visumbufu vya mimea kwa kutumia viuatilifu mbadala ambavyo ni salama kwa mimea, watumiaji, walaji na mazingira  yanayotokana na madhara yatokanayo na sumu za viwandani hivyo kudumisha uzalishaji endelevu na salama bila kutegemea sana sumu za viwandani.
 
Ndio maana kampuni  yake anasema kuwa, imeungana na Bodi ya korosho Tanzania kupitia Kituo cha Utafiti wa Mazao ya Kilimo Naliendele Mtwara (NARI) kwa ajili ya kutibu zao la mkorosho kwa kutumia muarobaini.
 
Mradi huo kwa mujibu wa Erio, ulionyesha mafanikio makubwa kwa kutibu mikorosho mingi iliyokuwa imeshambuliwa na magonjwa mbalimbali tena kwa gharama nafuu.
 
Dawa ya muarobaini kwa ajili ya mimea inakinga mimea isishambuliwe na wadudu gharama zake ni nafuu sana ikilinganishwa na zile za kiwandani.
 
“ Dawa ya asili ya kudhibiti visumbufu yapo kwenye mazingira yetu, hivyo mkulima anaweza kuongeza kipato kwa gharama nafuu…baadhi ya visumbufu vimekuwa sugu kwa sumu za viwandani,”anasema Erio.
 
Kampuni ya Neem  ilianzishwa mwaka 1999 chini ya usimamizi wa Mzee Nicolaus Erio ( kwa sasa marehemu)  kwa lengo la kufanya utafiti wa tiba kupitia zao la muarobaini kwa wanyama, binadamu na mimea. Utafiti huo,ulianza kupata mafanikio ya kubaini dawa mbalimbali za magonjwa yanayoshambulia makundi hayo matatu.
 
Mwaka 2002 walianza kutengeneza dawa kwa kutumia  zao la muarobaini kwa kutibu magonjwa mbalimbali kwa wanyama, mimea na binadamu.
 
Baadhi ya bidhaa zitokanazo na muarobaini Erio amezitaja kuwa ni sabuni za kutibu magonjwa ya ngozi, cream kwa walioathirika na mkorogo, dawa za kisukari, dawa za kifua na pumu, dawa ya malaria, meno na kwa ajili ya madonda sugu.
 
Dawa ya muarobaini hutumika kutibu na kuua wadudu wanaoshambulia mimea  na ugonjwa wa ukungu. Kwa upande wa wanyama, hutibu aina zote za minyoo ya mifugo, magonjwa ya kideri kwa kuku na kuogeshea wanyama.
 
Kama hiyo haitoshi, kampuni  hiyo sasa ipo katika utafiti wa dawa za magonjwa yanayoathiri  minazi  hususan ile iliyopo katika maeneo ya Pwani ya Bahari ya Hindi.
 
“Minazi mingi iliyopo katika Pwani ya bahari ya Hindi imeathiriwa na magonjwa …tumeanza utafiti wa tatizo hilo na tunataka tiba ipatikane kwa kutumia muarobaini,” anasema.
 
Kwa mujibu wa Mkurugenzi huyo, hakuna kinachotupwa katika matumizi ya zao hilo kutokana na ukweli kuwa kila kiungo cha mti huo kimekuwa na matumizi yake tofauti.
 
“Kuanzia majani, mbegu,maua,mizizi na kila sehemu zina kazi tofauti katika utoaji wa tiba iwe ya mimea, binadamu au wanyama.Hata mabaki ya muarobaini ni mbolea ya asili ya kukuzia mimea na kuua wadudu shambani, “ anasema Erio.
 
Kuhusu soko la bidhaa zitokanazo na muarobaini, anasema kuwa, soko lipo ndani na nje ya nchi, na kwamba kwa wote waliozitumia zimeleta mafanikio makubwa kimatibabu.
 
“Nchi jirani kama Kenya, Congo na Rwanda wanazipenda sana hasa wale wenye hoteli za kitalii hununua kwa ajili ya matumizi ya hotelini,”anasema.
 
Kwa upande wa malengo ya baadaye,anasema  ni kujenga kiwanda kikubwa kitakachotengeneza bidhaa zitokanazo na muarobaini,  na shule itakayofundisha umuhimu wa matumizi ya bidhaa za asili kama muarobaini katika utoaji wa tiba kwa magonjwa ya wanyama,mimea na binadamu.
 
Kampuni hiyo imekuwa ikinunua bidhaa  za muarobaini kutoka kwa wananchi na ina shamba kubwa la zao hilo.
 
“Tuna shamba kubwa la miarobaini tu…ambalo halitoshi hivyo tunanunua mbegu na majani ya muarobaini kutoka kwa wananchi. Nawashauri  wananchi wasikate miti ovyo kwani ni rasilimali kubwa sana na muhimu kwa jamii yetu hasa katika suala zima la  hifadhi ya mazingira ,“Anasisitiza.
 
Kampuni hiyo, imekuwa ikipokea wanafunzi kutoka Chuo Kikuu cha Kilimo Sokoine (SUA) cha Morogoro kila mwaka kwa ajili ya kujifunza namna zao hilo linavyofanya kazi kwa manufaa ya kizazi hiki na kijacho.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akitoa salamu za mwaka mpya wa 2015 kwa  wananchi wa Zanzibar na Tanzania kwa ujumla  na kuwatakia mwaka wenye Amani na Utulivu pia mafanikio makubwa ikiwemo ya Uchumi wa Taifa letu,hafla hiyo ilifanyika leo katika Ukumbi wa Ikulu Mjini Unguja,[Picha na Ikulu.]

Rais Xi Jinping wa China atoa salamu za mwaka mpya 2015

(GMT+08:00) 2014-12-31 19:42:15

Rais Xi Jinping wa China Desemba 31 2014 ametoa salamu za mwaka mpya na kuwatakia marafiki waliopo katika sehemu mbalimbali duniani heri ya mwaka mpya wa 2015. Salamu hizo zimerushwa hewani kupitia Radio China Kimataifa CRI, Radio ya taifa ya China CNR na Televisheni ya taifa ya China CCTV. Zifuatazo ni salamu za rais Xi Jinping.
Muda unapita haraka, umebaki muda mfupi kabla ya kuuaga mwaka 2014 na kuukaribisha mwaka mpya wa 2015. Kwa dhati ya moyo, nawatakia kila la heri wananchi wenzangu, ndugu wa mikoa ya utawala maalumu ya Hong Kong na Macao, ndugu wa Taiwan na wachina walioko ng'ambo, pamoja na marafiki wa nchi na sehemu mbalimbali duniani.
Mwaka 2014 ni mwaka usiosahaulika. Mwaka huu, China ilidhamiria kusukuma mbele mageuzi, na kufanikiwa kutatua baadhi ya matatizo magumu, ambapo tuliweka hatua mbalimbali muhimu za mageuzi, ambazo nyingi zinahusiana kwa karibu na maslahi ya wananchi. Tumejitahidi kuhimiza maendeleo ya kiuchumi na kijamii, na juhudi hizo zimeleta mabadiliko mapya kwa maisha ya wananchi. Tarehe 12 Desemba, mradi mkubwa wa kujenga mifereji ya kusafirisha maji kutoka kusini hadi kaskazini mwa China ulikamilika kwa kipindi cha kwanza, wachina zaidi ya laki 4 waliokuwa wanaishi kwenye sehemu mifereji hiyo inazopita wamehamishwa. Tunapaswa kuwashukuru kutokana na mchango wa mkubwa waliotoa kwa ajili ya mradi huo. Nawatakia maisha ya furaha na neema katika makazi mpya. Mwaka 2014, tumeweka mkazo katika kulinda nidhamu na maadili serikalini, haswa kupambana na vitendo vya kulipua kazi na uzembe kazini, pamoja na hali ya kuendekeza raha na maisha ya anasa. Hivi sasa hali imeboreshwa kidhahiri.Tumeongeza nguvu katika kupambana na ufisadi, na kuwaadhibu vikali maofisa waliohusika na ufisadi, hali ambayo imeonesha nia yetu thabiti ya kuondoa tatizo hilo. Mwaka 2014, tuliimarisha mawasiliano na ushirikiano na nchi mbalimbali duniani, tuliandaa mkutano usio rasmi wa viongozi wa Jumuiya ya ushirikiano wa kiuchumi ya Asia na Pasifiki APEC. Viongozi wa China na nchi za nje walitembeleana mara kwa mara. Shughuli hizo zimetangaza China vizuri zaidi duniani.
Ili kufanikisha kazi hizo, maofisa wa China katika ngazi mbalimbali walichapa kazi kwelikweli. Ni hakika kuwa kazi hizo hazikuweza kufanikiwa bila uungaji mkono wa umma, kwa hiyo napenda kuwapongeza na kuwashukuru wananchi wenzangu.
Mwaka 2014, tuliweka kisheria Siku ya ushindi wa vita dhidi ya uvamizi wa Japan, Siku ya mashujaa na Siku ya taifa ya kuwaomboleza waliouawa na kuathiriwa katika mauaji ya halaiki ya Nanjing. Tulifanya maadhimisho katika siku hizo. Ni lazima tuwakumbuke daima watu walijitoa muhanga kwa ajili ya taifa na amani.
Mwaka 2014, pia tulikumbwa na matukio ya kuhuzunisha. Ndege ya abiria ya Shirika la ndege la Malaysia MH370 ilipotea na ndugu zetu zaidi ya 150 hawajulikani walipo, hatuwezi kuwasahau, tunapaswa kuendelea na juhudi za kuwatafuta. Mwaka 2014, China ilikumbwa na maafa na ajali mbalimbali, ambazo ndugu wengi walipoteza maisha. Tetemeko la ardhi lililotokea mjini Ludian mkoani Yunnan lilisababisha vifo vya watu zaidi ya 600, tunawakumbuka na kuwatakia heri ndugu na jamaa zao.
Kengele ya mwaka mpya inakaribia kugonga. Tunapaswa kuendelea kufanya juhudi, ili kutekeleza kivitendo matarajio na matumaini ya wananchi. Tutaendelea kuimarisha mageuzi bila kusita na kuyafanikisha kwa ushupavu. Tutahimiza kwa pande zote utawala kwa mujibu wa sheria, ili kulinda maslahi ya wananchi, kutetea haki na usawa katika jamii na kuhimiza maendeleo ya taifa. Mageuzi na utawala kwa mujibu wa sheria ni mambo yasiyotengana kama mabawa mawili ya ndege na magurudumu mawili ya gari, ambayo yanatusaidia katika kutimiza lengo la kujenga jamii yenye maisha bora.
Kwa jumla, maisha ya watu wa China yanaboreshwa siku hadi siku, lakini siku zote tunapaswa kuwafuatilia watu wenye matatizo ya kimaisha. Tunatakiwa kuwa na shauku katika kazi za kuboresha maisha ya umma, haswa kazi ya kuondoa umaskini pamoja na kuweka uhakikisho wa maisha ya kimsingi, ili watu wote wanaohitaji misaada waweze kujikimu kimaisha na kuwa na upendo mioyoni.
Tunapaswa kuendelea na kazi ya kuimarisha nidhamu ya chama chetu, kuendelea kuweka mkazo kwenye mapambano dhidi ya ufisadi na kuimarisha usimamizi wa matumizi ya madaraka. Katika nchi yetu ya kisoshalisti inayoongozwa na chama cha kikomunisti cha China, mtu yeyote anayethibitishwa kujihusisha na ufisadi, ni lazima aadhibiwe.
Kazi tunayoendelea nayo ni kubwa, ushindi utapatikana tu kutokana na juhudi thabiti zenye uvumilivu, kama tukisitasita njiani hakika tutarudi nyuma. Mpango wetu ni mkubwa, hivyo juhudi zinazotakiwa kuufanikisha zitakuwa kubwa na ngumu. Wanachama na wananchi wa makabila yote wanatakiwa kushikamana kwa moyo mmoja, kutumia vizuri fursa zinazoibuka kwa kukusanya busara za umma, kukabiliana na changamoto zinazotokea kwa nia ya pamoja, kutatua masuala magumu kwa hatua madhubuti na zaharaka, na kufanya uvumbuzi kwa bidii, ili kuhimiza maendeleo ya nchi na maisha ya wananchi yapige hatua mwaka hadi mwaka.
Watu wa China wanafuatilia mustakbali wa nchi yetu, na pia wanafuatilia mustakbali wa dunia nzima. Mlipuko wa Ebola ulipotokea Afrika, tulitoa misaada. Huduma ya maji ya kunywa ilipokatika nchini Maldives, tulipeleka maji. Shughuli mbalimbali kama hizo zimeonesha urafiki mkubwa kati ya watu wa China na watu wa nchi mbalimbali duniani. Dunia ya hivi leo bado inakabiliwa na machafuko mbalimbali. Tunatoa wito wa amani na kutumai kwa dhati kuwa watu wa nchi zote duniani watafanya juhudi za pamoja ili watu wote wasisumbuliwe na baridi na njaa, familia zote zisitishiwe na vita, na watoto wote waweze kukua katika mazingira ya amani.
Asanteni sana.

SAKATA LA ESCROW TANZANIA CCM Wakutana kumjadili PROF ANNA TIBAIJUKA.

Makamu Mwenyekiti wa CCM Taifa Philip Mangula amesema kuwa kikao cha kamati kuu kinachoundwa na wajumbe 14 (7 kutoka kila upande wa muungano) kimeitishwa kujadili hatima ya mmoja wa wajumbe wa kikao hicho Prof Anna Tibaijuka (Pichani).

Kikao hicho kitaamua hatma yake ikiwemo ama kubakizwa katika kamati hiyo,kufukuzwa au kunyanganywa kadi na kufukuzwa kabisa katika chama kutokana na sakata la Escrow ambapo yeye alipata mgao kutoka kwa mmoja wa wabia wa kampuni ya IPTL, James Rugemalira.

HERI YA MWAKA MPYA 2015:-Rais Kikwete atoa salamu za mwisho za mwaka 2014 sambamba na Mwaka wa uchaguzi

Mwaka mpya wa 2015 ulioingia saa 6:00 usiku wa kuamkia leo January 01, unatarajiwa kuwa na matukio muhimu na yenye mvuto mkubwa kisiasa, mojawapoa likiwa ni uchaguzi mkuu.

Uchaguzi huo utahusisha nafasi za Udiwani, Ubunge na Rais wa Jamhuri ya Muungano wa Tanzania na wa Serikali ya Mapinduzi Zanzibar (SMZ), unaotarajiwa kufanyika Oktoba, mwaka huu 2015.

Uchaguzi huo, ambao utahitimisha miaka 10 ya vipindi viwili vya uongozi wa Rais wa sasa wa Jamhuri ya Muungano wa Tanzania, Jakaya Kikwete, ulioanzia mwaka 2005.

Pia unahitimisha miaka mitano ya uongozi wa Rais wa sasa wa SMZ, Dk. Ali Mohammed Shein, ulioanzia mwaka 2010.

Vilevile, unahitimisha kipindi cha wabunge na madiwani cha miaka mitano ya kuwawakilisha wananchi bungeni.

Unafuatia uchaguzi wa mwisho chini ya mfumo wa demokrasia ya vyama vingi vya siasa nchini, uliofanyika mwaka 2010.

KATIKA SALAMA ZAKE ZA KUMALIZA MWAKA 2014 NA KUUKARIBISHA MWAKA MPYA 2015, Rais wa jamhuri ya muungano wa Tanzania, Mheshimiwa Dkt.Jakaya Kikwete amelihutubia Taifa, Tarehe 31 Desemba, 2014 na kuzichambua sekta mbalimbali kama vile za Elimu, Ujenzi wa maabara, Umeme, Chakula, mfumuko wa Bei, Ujangili, Dawa za kulevya, mapato ya Serikali, Dawa za kulevya na mapato ya Serikali. 

Rais akihitimisha salama zake akisema,’’-

Ndugu Wananchi;

Namaliza hotuba yangu hii ndefu kwa kuwashukuru Watanzania wote kwa kuiunga mkono Serikali yetu na kwa mchango wenu uliowezesha nchi yetu kupata mafanikio haya makubwa tunayojivunia katika mwaka 2014. Tumeweza kuvuka mitihani na nyakati zenye majaribu mengi. 

Umoja wetu na mshikamano wetu ndivyo vilivyotuwezesha kufika hapa. Tunauanza mwaka 2015 kwa matumaini makubwa. 

Mwaka 2015 unatupa fursa kubwa ya kuendelea kuliimarisha zaidi taifa letu. Mwaka ujao ni mwaka wa Uchaguzi Mkuu, hivyo huenda ukawa na changamoto na majaribu magumu zaidi kuliko mwaka huu. 

Uelewa wetu, umoja wetu, mshikamano wetu na moyo wetu wa uzalendo ndivyo vitakavyotuvusha kama ilivyokuwa kwa miaka ya nyuma. Mimi nina imani kubwa kwa uwezo na utayari wa Watanzania wenzangu kuidumisha sifa nzuri ya nchi yetu ya umoja na mshikamano wa watu wake uliozaa amani na utulivu. 

Tumeweza mwaka huu na miaka ya nyuma, tutaweza tena mwakani na miaka ijayo. Inawezekana, Timiza Wajibu Wako! Nawatakia heri ya mwaka mpya.

Mungu Ibariki Afrika!
Mungu Ibariki Tanzania!
Asanteni kwa kunisikiliza.

KUSOMA ZAIDI HOTUBA YA RAIS DESEMBA 31,2014,BOFYA HAPA 

Wadau wa habari, Mathew Kwembe, Afisa Habari Mwandamizi TAMISEMI (kushoto), Emanuel Minja Afisa Masoko Mwandamizi wa TBC (katikati) na Joshua Joel Mwakilishi wa ITV mkoani Rukwa  walipokutana Viwanja vya Nelson Mandela Sumbawanga kwa kazi Maalumu